ദില്ലി : ഐപിഎൽ ക്ലബ് കൊൽക്കത്ത നൈറ്റ് റൈഡേഴ്സിന്റെ നായകൻ നിതീഷ് റാണയുടെ ഭാര്യയെ ശല്യം ചെയ്ത സംഭവത്തിൽ ഒരു യുവാവിനെ ദില്ലി പോലീസ് അറസ്റ്റു ചെയ്തു. റാണയുടെ ഭാര്യ സാചി മാര്വയെയാണ് രണ്ടു യുവാക്കള് പിന്തുടര്ന്നെത്തി ശല്യം ചെയ്തത്. ഇവരില് ഒരാളാണ് ഇപ്പോൾ പിടിയിലായിരിക്കുന്നത്.
ദില്ലിയിലെ കീര്ത്തി നഗറില് നിന്ന് വീട്ടിലേക്കു മടങ്ങും വഴിയായിരുന്നു യുവാക്കളുടെ പരാക്രമണം. സാചി സഞ്ചരിച്ച കാറിനെ ബൈക്കില് പിന്തുടര്ന്നെത്തിയ ഇവർ അടിക്കുകയായിരുന്നു.
യുവാക്കളുടെ പരാക്രമണം മൊബൈലില് പകര്ത്തിയ സാചി ഇവ സാമൂഹിക മാദ്ധ്യമങ്ങളില് പങ്കുവച്ചു. എന്നാൽ താന് പോലീസില് വിവരമറിയിച്ചുവെന്നും എന്നാല് പരാതി സ്വീകരിക്കാന് പോലീസ് തയ്യാറായില്ലെന്ന് പിന്നാലെ സാചി ആരോപിച്ചു. സുരക്ഷിതമായി വീട്ടിലെത്തിയ സ്ഥിതിയ്ക്ക് സംഭവം വിട്ടു കളയാനും അടുത്ത തവണ സംഭവമുണ്ടായാൽ ബൈക്കിന്റെ നമ്പര് നോക്കി വയ്ക്കാനുമായിരുന്നു പോലീസിന്റെ ഉപദേശമെന്നായിരുന്നു സാക്ഷി ആരോപിച്ചത്.
