തിരുവനന്തപുരം : വർക്കലയിലെ സ്കൂള്‍ വിദ്യാർത്ഥികൾക്ക് നിരോധിത പുകയില ഉൽപ്പന്നങ്ങള്‍ വിൽപ്പന നടത്തിയവരെ പോലീസ് പിടികൂടി. ഹോട്ടലിന്റെ മറവിലായിരുന്നു പുകയില ഉൽപ്പന്നങ്ങളുടെ കച്ചവടം നടത്തിയത്.. വർക്കല സ്വദേശിയും ഷാജൂസ് ഹോട്ടലിന്റെ ഉടമയുമായ ഷാജു, വർക്കല സ്വദേശിയായ സജീവ് എന്നിവരാണ് പോലീസ് കസ്റ്റഡിയിലായത്. പോലീസ് സ്ഥലത്തെത്തിയെന്നറിഞ്ഞ് ഒളിവിൽ പോയ ഹോട്ടലുടമയെ പോലീസ് പിടികൂടുകയായിരുന്നു.
ഹോട്ടൽ ജീവനക്കാർക്ക് താമസിക്കാൻ വേണ്ടി വാടകയ്‌ക്കെടുത്ത വീട്ടിലായിരുന്നു നിരോധിത പുകയില ഉത്പന്നങ്ങൾ സൂക്ഷിച്ചിരുന്നത്. രഹസ്യ വിവരം ലഭിച്ചതിനെ തുടർന്ന് പോലീസിന്റെ പ്രത്യേക ഷാഡോ ടീം കടയിലെത്തുന്ന സ്കൂൾ വിദ്യാർത്ഥികളെ നിരീക്ഷിച്ചു വരികയായിരുന്നു. തുടര്‍ന്നാണ് മിന്നല്‍ പരിശോധന നടത്തുകയായിരുന്നു.
