മലപ്പുറം: വയനാട്ടില് എത്തിയ രാഹുല് ഗാന്ധി വയനാടന് രുചികള് ആസ്വദിക്കാനും മറന്നില്ല. വഴിയില് കണ്ട ചെറിയ കടയില് കയറി വയറു നിറിയെ ഭക്ഷണം കഴിച്ചു. ഇതിന്റെ വിഡിയോകളെല്ലാം സോഷ്യൽമീഡിയയിൽ ഇപ്പോൾ വൈറലായിരിക്കുകയാണ്. കൊയിലാണ്ടിയിലെ ഫിറോസും കുടുംബവും നടത്തുന്ന കടയില് നിന്നായിരുന്നു രാഹുല് ചൂട് പക്കാവടയും ചമ്മന്തിയും കുടംകുലുക്കി സര്ബത്തും കഴിച്ചത്. ഇതിന്റെ ചിത്രങ്ങളും രാഹുല് ട്വീറ്റ് ചെയ്തു.
‘കൊളിയാടിയില് ഫിറോസും കുടുംബവും നടത്തുന്ന എസ്എസ് കൂള് ഹൗസില്നിന്ന് ചൂട് പക്കാവടയും ചമ്മന്തിയും വയനാടന് കുടംകുലുക്കി സര്ബത്തും നന്നായി ആസ്വദിച്ചു. നിങ്ങള് ഞങ്ങളുടെ വയനാട്ടില് ഉണ്ടെങ്കില് ഇതു മിസ് ചെയ്യരുത്’- രാഹുല് ട്വീറ്റ് ചെയ്തു. വയനാടന് കുടം കുലുക്കി സര്ബത്തിന്റെയും പക്കാവടയുടെയും ചമ്മന്തിയുടെയും വിവരങ്ങള് രാഹുല് ഔദ്യോഗിക ട്വിറ്റര് ഹാന്ഡിലില് പങ്കുവച്ചു.
എന്നാൽ, രാഹുൽ ഗാന്ധിയുടെ ചായക്കും പക്കവടയ്ക്കും ട്രോളുകളുമായി സോഷ്യൽമീഡിയയും എത്തിയിട്ടുണ്ട്. വീണ്ടും വീണ്ടും എല്ലാ തവണെയും പോലെ ചായ, കടി വിശേഷങ്ങൾ മാത്രം… രാഹുലിന് ഒരു ഫുഡ് വ്ളോഗ് തുടങ്ങി കൂടെ എന്നാണ് കൂടുതൽ ട്രോളുകളും.
രാഹുല് ഗാന്ധിയുടെ എംപി ഓഫിസ് എസ്എഫ്ഐ ആക്രമിച്ചതിന് ശേഷം ആദ്യമായാണ് അദ്ദേഹം വയനാട് സന്ദര്ശിക്കുന്നത്. ഇതിന്റെ ചിത്രങ്ങളും അദ്ദേഹം ട്വീറ്റ് ചെയ്തിട്ടുണ്ട്. മൂന്ന് ദിവസത്തെ സന്ദര്ശനത്തിനാണ് അദ്ദേഹം വയനാട്ടില് എത്തിയത്.
