മുംബൈ: ഇറക്കുമതി തീരുവ വെട്ടിച്ചത് പിടിക്കപ്പെട്ടതിനെ തുടര്‍ന്ന് സ്മാര്‍ട്ട്‌ഫോണ്‍ മൊബൈല്‍ ഭീമന്‍ സാംസങ് ഇലക്ട്രോണിക്‌സ് പിഴത്തുകയായി അടക്കേണ്ടി വന്നത് മുന്നൂറ് കോടി രൂപ. 4 ജി റേഡിയോ ഉപകരണങ്ങള്‍ ഇറക്കുമതി നടത്തിയപ്പോള്‍ കമ്പനി നികുതി വെട്ടിക്കുകയായിരുന്നു. 4ജി റേഡിയോ ഉപകരണങ്ങളെ തീരുവ ഇല്ലാത്ത വകുപ്പില്‍ ഉള്‍പ്പെടുത്തിയാണ് സാംസങ് ഇലക്ട്രോണിക്‌സ് നികുതി വെട്ടിച്ചത്.
ഡയറക്ട്രേറ്റ് ഓഫ് റവന്യൂ ഇന്റലിജന്‍സ് നടത്തിയ അന്വേഷണത്തില്‍ ഇക്കാര്യം പിടിക്കപ്പെടുകയായിരുന്നു. തുടര്‍ന്ന് 500 കോടി രൂപയാണ് പിഴ ചുമത്തിയത്. മുന്നൂറ് കോടി രൂപയാണ് ഇപ്പോള്‍ കമ്പനി അടച്ചത്. ബാക്കി തുകയും ഉടന്‍ നല്‍കേണ്ടി വരുമെന്നാണ് വിവരം. സാംസങ് ഇലക്ട്രോണിക്‌സ് ഇറക്കുമതി തീരുവ തട്ടിപ്പ് നടത്തിയെന്ന് ആരോപിച്ച് സാംസങ്ങിന്റെ വിവിധ ഓഫീസുകളില്‍ ഡിആര്‍എ ഉദ്യോഗസ്ഥര്‍ തെരച്ചില്‍ നടത്തിയിരുന്നു.
