ലാഹോര്: പഞ്ചാബ് കാബിനറ്റ് മന്ത്രിയും പാക്കിസ്ഥാന് തെഹ്രീകെ ഇന്സാഫ് പാര്ട്ടിയുടെ മുതിര്ന്ന നേതാവുമായ അബ്ദുല് അലീം ഖാന് അറസ്റ്റില്. വരവില് കവിഞ്ഞ സ്വത്തു സമ്പാദിച്ചെന്ന കേസില് ലാഹോര് നാഷണല് അക്കൗണ്ടബിലിറ്റി ബ്യൂറോ (എന് എ ബി) അദേഹത്തെ അറസ്റ്റു ചെയ്യുകയായിരുന്നു.
തീരദേശ കമ്പനിയായ ഹെക്സാം ഇന്വെസ്റ്റ്മെന്റ് ഓവര്സീസ് ലിമിറ്റഡിലും പാര്ക് വ്യൂ, റിവര് ഏജ് എന്നീ ഹൗസിംഗ് സൊസൈറ്റികളുമായി ബന്ധപ്പെട്ട് അലീം ഖാനുള്ള അനധികൃത് സ്വത്തു സംബന്ധിച്ചാണ് അന്വേഷണം നടത്തുന്നതെന്ന് എന് എ ബി വക്താവ് നവാസിഷ് അലി ആസിം വെളിപ്പെടുത്തി.
91 കോടി 80 ലക്ഷം രൂപ മൂല്യമുള്ള വസ്തുവകകള് അലീം ഖാനുണ്ടെന്നാണ് റിപ്പോര്ട്ട്. ഇതില് 15 കോടി 90 ലക്ഷം രൂപയുടെ സ്വത്തുക്കള് ഖാന്റെ സ്വന്തം പേരിലാണ്. ഖാനെ വ്യാഴാഴ്ച എന് എ ബി കോടതിയില് ഹാജരാക്കും.