കൊച്ചി: കഴിഞ്ഞ ദിവസം പാലാരിവട്ടത്തുണ്ടായ വാഹനാപകടത്തില് സുരാജ് വെഞ്ഞാറമൂടിന് കാരണം കാണിക്കല് നോട്ടീസ് നല്കി എംവിഡി. നോട്ടീസ് സുരാജ് നേരിട്ടെത്തി കൈപ്പറ്റിയെന്ന് മോട്ടോര് വാഹനവകുപ്പ് അറിയിച്ചു. അപകടം സംബന്ധിച്ച് വിശദീകരണം നല്കണമെന്നാണ് സുരാജിനോട് എറണാകുളം ആര്ടിഒ ആവശ്യപ്പെട്ടത്.
അലക്ഷ്യമായി വാഹനമോടിച്ച് അപകടമുണ്ടാക്കിയതിനാണ് സുരാജിനെതിരെ കേസെടുത്തത്. സുരാജ് സഞ്ചരിച്ചിരുന്ന കാര് മലപ്പുറം സ്വദേശി ശരത്തിന്റെ ബൈക്കിലിടിച്ചാണ് അപകടമുണ്ടായത്. സുരാജിനോട് വാഹനവുമായി ഹാജരാകാന് പാലാരിവട്ടം പൊലീസ് നിര്ദേശിച്ചിരുന്നു. ഗതാഗത നിയമങ്ങളെ കുറിച്ചുള്ള ക്ലാസില് പങ്കെടുക്കണമെന്നും മോട്ടോര് വാഹനവകുപ്പ് സുരാജിനോട് കഴിഞ്ഞദിവസം ആവശ്യപ്പെട്ടിരുന്നു.