തിരുവനന്തപുരം: കൊവിഡ് പ്രതിരോധ പ്രവര്ത്തനങ്ങള് ശക്തമാക്കാനൊരുങ്ങി കേരളാ പോലീസ്. കോവിഡ് പ്രതിരോധ പ്രവര്ത്തനങ്ങള് ശക്തമാക്കുന്നതിന് ഡി.വൈ.എസ്.പിമാരുടേയും അസിസ്റ്റന്റ് കമ്മീഷണര്മാരുടെയും നേതൃത്വത്തില് കോവിഡ് സബ് ഡിവിഷനുകള് രൂപീകരിക്കും. മേഖലയിലെ കൊവിഡ് പ്രതിരോധ പ്രവര്ത്തനങ്ങളുടെ ചുമതല കൊവിഡ് സബ് ഡിവിഷണല് ഓഫീസര്മാര്ക്കായിരിക്കും. സംസ്ഥാന പൊലീസ് മേധാവി അനില് കാന്ത് ഇതു സംബന്ധിച്ച നിര്ദ്ദേശം എല്ലാ ജില്ലാ പൊലീസ് മേധാവിമാര്ക്ക് കൈമാറി.
കണ്ടെയിന്മെന്റ് മേഖലയായി പ്രഖ്യാപിച്ചിരിക്കുന്ന സ്ഥലങ്ങളില് മൈക്രോ കണ്ടെയിന്മെന്റ് സോണ് രൂപീകരിച്ച് ഒരു വഴിയിലൂടെ മാത്രം യാത്ര അനുവദിക്കും. ഇതിനായി പഞ്ചായത്ത്, റവന്യൂ അധികൃതര്, സന്നദ്ധപ്രവര്ത്തകര് എന്നിവരുടെ സഹായം തേടും. ഡി വിഭാഗത്തില്പ്പെട്ട സ്ഥലങ്ങളില് അകത്തേയ്ക്ക് കടക്കാനും പുറത്തേയ്ക്ക് പോകാനുമുള്ള ഒരു വഴി ഒഴികെ ബാക്കി എല്ലാ റോഡുകളും അടയ്ക്കും. ഈ മേഖലകളില് മൊബൈല് പട്രോളിംഗും നടന്നുള്ള പട്രോളിംഗും ശക്തിപ്പെടുത്തും.
അതേസമയം കേരളത്തില് ഇന്ന് 18,531 പേര്ക്ക് കോവിഡ്-19 സ്ഥിരീകരിച്ചു. 15,507 പേര് രോഗമുക്തി നേടി. ചികിത്സയിലുള്ളവര് 1,38,124. ആകെ രോഗമുക്തി നേടിയവര് 30,99,469. കഴിഞ്ഞ 24 മണിക്കൂറിനിടെ 1,55,568 സാമ്പിളുകള് പരിശോധിച്ചു. ടി.പി.ആര്. 15ന് മുകളിലുള്ള 271 പ്രദേശങ്ങള്. മലപ്പുറം 2816, തൃശൂര് 2498, കോഴിക്കോട് 2252, എറണാകുളം 2009, പാലക്കാട് 1624, കൊല്ലം 1458, തിരുവനന്തപുരം 1107, കണ്ണൂര് 990, ആലപ്പുഴ 986, കോട്ടയം 760, കാസര്ഗോഡ് 669, വയനാട് 526, പത്തനംതിട്ട 485, ഇടുക്കി 351 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona