ദമ്മാം: വിമാനത്തിന്റെ ഡോര് കൃത്യമായി അടക്കുന്നതിലെ സാങ്കേതിക തകരാറുകൾ മൂലം സൗദിയിലെ ദമ്മാമില്നിന്നു തിരുവനന്തപുരത്തേക്കുള്ള എയര് ഇന്ത്യ എക്സ്പ്രസ്സ് വിമാനം വൈകിയത് 11 മണിക്കൂര്. വ്യാഴാഴ്ച പുലര്ച്ചെ 1.55-ന് പുറപ്പേടേണ്ടിയിരുന്ന എയര് ഇന്ത്യ എക്സ്പ്രസ്സിന്റെ ഐ. എക്സ് 582 വിമാനം ഉച്ചക്ക് പന്ത്രര മണിക്കാണ് പുറപ്പെട്ടത്.
രണ്ടു മണിക്കൂര് വൈകിയേ യാത്ര പുറപ്പെടാന് കഴിയൂ എന്ന് അധികൃതര് നേരത്തെ അറിയിച്ചിരുന്നു. എന്നാല് വിവരം ലഭിക്കാതെ പലരും കൃത്യസമയത്തുതന്നെ വിമാനത്താവളത്തിലെത്തി. പുലര്ച്ചെ 4.20-നു പുറപ്പെടുമെന്ന് അറിയിച്ചിരുന്നുവെങ്കിലും വീണ്ടും വൈകിയതോടെ യാത്രക്കാര് ബഹളം വച്ചു. ഇതോടെ രാവിലെ എട്ടു മണിയോടെ യാത്രക്കാരെ വിമാനത്തിനകത്ത് കയറ്റി. ഇതിന് ശേഷം വീണ്ടും വൈകി ഉച്ചക്ക് 12.30-നാണ് വിമാനം പുറപ്പെട്ടത്. യാത്രക്കാര്ക്ക് ആവശ്യമായ ഭക്ഷണമോ മറ്റോ നല്കാനും വിമാന അധികൃതര് തയ്യാറായിട്ടില്ലെന്നും ആക്ഷേപം ഉയരുന്നുണ്ട്.