തിരുവനന്തപുരം: മുതിർന്ന കോൺഗ്രസ് തലേക്കുന്നിൽ ബഷീർ അന്തരിച്ചു(Thalekunnil Basheer Passed Away). 79 വയസ്സായിരുന്നു. വെമ്പായത്തെ വീട്ടിൽ വച്ചായിരുന്ന അന്ത്യം. ഹൃദയസംബന്ധമായ രോഗത്തെ തുടർന്ന് 5 വർഷമായി വിശ്രമത്തിലായിരുന്നു അദ്ദേഹം. പരേതയായ ഭാര്യ സുഹ്റ നടൻ പ്രേംനസീറിന്റെ സഹോദരിയാണ്. രണ്ട് മക്കളും ദുബായിലാണ്.
1977ൽ കഴക്കൂട്ടത്ത് നിന്നാണ് ആദ്യമായി നിയമസഭയിലെത്തിയത്. ചിറയിൻകീഴ് മണ്ഡലത്തിൽ നിന്ന് രണ്ട് തവണ (1984,89 )ലോക്സഭയിലുമെത്തി. രാജ്യസഭാംഗമായും പ്രവർത്തിച്ചിട്ടുണ്ട്. എ.കെ.ആന്റണി മുഖ്യമന്ത്രിയാകാൻ എം.എൽ.എ സ്ഥാനം രാജിവച്ചത് ബഷീറായിരുന്നു. കേരളാ യൂണിവേഴ്സിറ്റിയിൽ കെഎസ് യു നേതാവായിരുന്നു. നിരവധി പുസ്തകങ്ങൾ രചിച്ചിട്ടുണ്ട്.