കുവൈത്ത്: വന്തോതില് മദ്യനിര്മാണം നടത്തിയിരുന്ന മൂന്ന് പ്രവാസികള് അറസ്റ്റിൽ. മദ്യനിര്മാണത്തിനായുള്ള സാധനങ്ങള് സൂക്ഷിച്ചിരുന്ന 146 ബാരലുകള്, രണ്ട് ഡിസ്റ്റിലേഷന് ടാങ്കുകള് എന്നിവയ്ക്ക് പുറമെ നിര്മാണം പൂര്ത്തിയാക്കി വില്പനയ്ക്ക് തയ്യാറാക്കി വെച്ചിരുന്ന 270 ബോട്ടില് മദ്യവും ഇവിടെയുണ്ടായിരുന്നു. ഇവയെല്ലാം അധികൃതര് പിടിച്ചെടുത്തു. ആഭ്യന്തര മന്ത്രാലയത്തിന് കീഴിലുള്ള അഹ്മദിയിലെ സെക്യൂരിറ്റി ഡയറക്ടറേറ്റ് ഉദ്യോഗസ്ഥര് നടത്തിയ റെയ്ഡിലാണ് മദ്യനിര്മാണ കേന്ദ്രം കണ്ടെത്തിയത്.
അറസ്റ്റിലായ മൂന്ന് പേരെയും പിടിച്ചെടുത്ത സാധനങ്ങള്ക്കൊപ്പം തുടര് നിയമനടപടികള് സ്വീകരിക്കാനായി ബന്ധപ്പെട്ട വിഭാഗങ്ങള്ക്ക് കൈമാറി. മദ്യനിര്മാണ കേന്ദ്രത്തിന്റെ ചിത്രങ്ങള് ബഹ്റൈന് ആഭ്യന്തര മന്ത്രാലയം ഔദ്യോഗിക സോഷ്യല് മീഡിയ അക്കൗണ്ടുകള് വഴി പുറത്തുവിട്ടിട്ടുണ്ട്.
