കോഴിക്കോട്: പോക്സോ കേസ് രജിസ്റ്റർ ചെയ്ത് അറസ്റ്റിലായ പ്രതിയെ വ്യാജ സർട്ടിഫിക്കറ്റുകൾ ഹാജരാക്കി ജാമ്യത്തിലിറക്കിയ രണ്ടുപേർ അറസ്റ്റിൽ.തിരുവനന്തപുരം മലയിന് കീഴ് പുതുവല് പുത്തന് വീട്ടില് സുധാകുമാര്, കുടപ്പാമൂട് റോഡരികത്ത് വീട്ടില് ഉണ്ണികൃഷ്ണന് എന്നിവരാണ് അറസ്റ്റിലായത്. ജാമ്യത്തിലിറക്കുന്നതിനായി ഇവർ കോടതിക്കുമുന്നിൽ വ്യാജ നികുതി ശീട്ടുകൾ ഹാജരാക്കി കോടതിയെ കബളിപ്പിച്ചു എന്നാണ് കേസ്.
പോക്സോ കേസിലെ പ്രതി നസറുദ്ദീന് ഹാജരാകാത്തതിനെ തുടര്ന്ന് പ്രതിക്കെതിരെ കോടതി വാറണ്ട് പുറപ്പെടുവിക്കുകയും, ജാമ്യകാര്ക്കെതിരെ വില്ലേജ് ഓഫീസ് മുഖേന നടപടി സ്വീകരിക്കുന്നതിനുമായി വില്ലേജ് ഓഫീസുകളിലേക്ക് നോട്ടീസ് അയക്കുകയും ചെയ്തതിനെ തുടര്ന്നാണ് രേഖകള് വ്യാജമാണെന്ന് മനസിലായത്. തുടര്ന്നു നെടുമങ്ങാട് തഹസില്ദാര് രേഖകള് വ്യാജമാണെന്നുള്ള വിവരം കോടതിയെ അറിയിക്കുകയായിരുന്നു. തുടര്ന്നു കോടതിയുടെ പരാതിയില് കോഴിക്കോട് ടൌണ് പൊലീസ് കേസ് രജിസ്റ്റര് ചെയ്യുകയും ഒളിവില് കഴിയുന്ന പ്രതികളെ തിരുവനന്തപുരത്ത് വെച്ചു പിടികൂടുകയുമായിരുന്നു.