മോളിവുഡിന്റെ പ്രിയസംവിധായകനാണ് ലാല്‍ജോസ്. 25ഓളം സിനിമകളാണ് അദ്ദേഹത്തിന്റേതായി മലയാളത്തില്‍ ഇതുവരെ ഇറങ്ങിയത്. ഭൂരിഭാഗവും വാണിജ്യപരമായി വിജയം നേടിയ സിനിമകള്‍. മലയാളികളെ ഏറെ രസിപ്പിച്ച സിനിമാ സംവിധായകനാണെങ്കിലും അദ്ദേഹം മറ്റെല്ലാ സെലിബ്രിറ്റികളെയും പോലെ എപ്പോഴും ചര്‍ച്ചാ വിഷയങ്ങളാകാറില്ല. എന്നാല്‍ ഇത്തവണ സോഷ്യല്‍മീഡിയയില്‍ തന്റെ കുടുംബചിത്രം പങ്കുവെച്ച് കൊണ്ട് വൈറലാകുകയാണ് സംവിധായകന്‍.
‘അമ്മായിയപ്പനായി പ്രമോഷന്‍ കിട്ടിയിട്ട് ഇന്നേക്ക് രണ്ട് വര്‍ഷം’എന്നാണ് ലാല്‍ജോസ് മകള്‍ക്കും മരുമകനും ഒപ്പമുള്ള ചിത്രം പങ്കുവെച്ച് കൊണ്ട് കുറിച്ചത്. മകള്‍ ഐറിന്‍ മേച്ചേരിയും തിരുവനന്തപുരം സ്വദേശി ജോഷ്വാ മാത്യുവും 2019 സെപ്തംബറിലാണ് വിവാഹിതരായത്.ഫേസ്ബുക്കിലാണ് ലാല്‍ജോസ് ചിത്രങ്ങള്‍ പങ്കുവെച്ചത്.
ആയിരക്കണക്കിന് ആളുകളാണ് ആശംസകള്‍ അറിയിച്ചും വിശേഷങ്ങള്‍ ചോദിച്ചും പോസ്റ്റിന് താഴെ കമന്റ് ചെയ്തിരിക്കുന്നത്.വിവാഹചിത്രങ്ങളും വീഡിയോയും സോഷ്യല്‍മീഡിയയില്‍ നേരത്തെ തന്നെ വൈറലായിരുന്നു. രണ്ട് പെണ്‍മക്കളാണ് ലാല്‍ജോസിന്. സൗബിനും മംമ്തയും അഭിനയിക്കുന്ന മ്യാവൂ എന്ന പുതിയ സിനിമ പുറത്തിറങ്ങാനിരിക്കുകയാണ്.
