ആഗോളതലത്തിൽ വൻ വിജയം നേടിയ ചിത്രമായിരുന്നു കാന്താര. സിനിമയിലെ വരാഹരൂപം എന്ന ഗാനം ഏറെ പ്രേക്ഷക പ്രശംസ നേടിയിരുന്നു. വരാഹരൂപം കോപ്പിയടിച്ചതാണെന്ന വിവാദം ഉയർന്നു വന്നെങ്കിലും പ്രേക്ഷകരിൽ നിന്ന് വൻ സ്വീകാര്യതയാണ് ഗാനത്തിന് ലഭിച്ചത്.
ബെംഗളൂരുവിൽ നടന്ന ഒരു ലൈവ് ഷോയിൽ പ്രശസ്ത ഗായകൻ അർജിത് സിംഗ് വരാഹ രൂപം ആലപിച്ചതോടെ വീണ്ടും ഗാനം വൈറലാകുകയാണ്. തന്റെ മാന്ത്രിക ശബ്ദത്തിലൂടെ അർജിത് സിംഗ് കാണികളെ കയ്യിലെടുത്തു. അർജിത് സിംഗിന്റെ ശബ്ദത്തിലുള്ള വരാഹരൂപം ഇപ്പോൾ സോഷ്യൽ മീഡിയയിൽ വൈറലാവുകയാണ്.