ഉത്തർപ്രദേശ് : കനത്ത മഴയെ തുടർന്ന് ഉത്തർപ്രദേശിലെ ഇറ്റാവയിൽ വീടിന്റെ ഭിത്തി ഇടിഞ്ഞുവീണു. നാല് കുട്ടികൾ മരിച്ചു . രണ്ട് പേർക്ക് പരിക്കേറ്റു . മരണത്തിൽ മുഖ്യമന്ത്രി യോഗി ആദിത്യനാഥ് അനുശോചനം രേഖപ്പെടുത്തുകയും മരിച്ചവരുടെ ബന്ധുക്കൾക്ക് 4 ലക്ഷം രൂപ ധനസഹായം പ്രഖ്യാപിക്കുകയും ചെയ്തു.
“നാലു കുട്ടികൾ മരിച്ചു. മാനദണ്ഡങ്ങൾക്കനുസൃതമായി നഷ്ടപരിഹാരം നൽകും,” ഇറ്റാവ ഡിഎം അവ്നിഷ് റായി പറഞ്ഞു.
മരിച്ചവരുടെ ബന്ധുക്കൾക്ക് 4 ലക്ഷം രൂപ സഹായധനം നൽകാൻ നിർദ്ദേശം നൽകിയതോടൊപ്പം പരിക്കേറ്റ എല്ലാവർക്കും ശരിയായ ചികിത്സ നൽകാൻ മുഖ്യമന്ത്രി നിർദ്ദേശം നൽകിയതായി സിഎംഒ പ്രസ്താവനയിൽ പറഞ്ഞു.
