ക്രൈസ്റ്റ്ചര്‍ച്ച്‌: വനിതാ ക്രിക്കറ്റില്‍ ചരിത്ര നേട്ടവുമായി ഇന്ത്യൻ താരം. പേസ് ബൗളര്‍ ജൂലന് ഗോസ്വാമിയാണ് ഏകദിനത്തില്‍ ഏറ്റവും അധികം വിക്കറ്റുകള്‍ വീഴ്‌ത്തുന്ന താരമായി മാറിയത്. ലോകക്രിക്കറ്റില്‍ 250 വിക്കറ്റെന്ന മികച്ച നേട്ടമാണ് മറികടന്നത്. ഇന്ന് ഇംഗ്ലണ്ടുമായി നടന്ന ലോകകപ്പ് ക്രിക്കറ്റ് മത്സരത്തിലാണ് ഈ നേട്ടം ജൂലന് ഗോസ്വാമി കൊയ്തത്.
മുന്‍ ഓസ്‌ട്രേലിയന്‍ താരം കാതറീന്‍ ഫിറ്റ്‌സ്പാട്രിക്കാണ് ജൂലന് പിന്നിലുള്ളത്. 180 വിക്കറ്റുകള്‍ വീഴ്‌ത്തിയാണ് രണ്ടാം സ്ഥാനത്തുള്ളത്. ഇന്ത്യക്കായി ബാറ്റിംഗില്‍ 35 റണ്‍സെടുത്ത സ്മൃതി മന്ഥാനയും 33 റണ്‍സെടുത്ത റിച്ചാ ഘോഷും മാത്രമാണ് പിടിച്ചു നിന്നത്.
4 വിക്കറ്റുകള്‍ വീഴ്‌ത്തിയ ചാര്‍ളീ ഡീനാണ് ഇന്ത്യന്‍ നിരയെ തകര്‍ത്തത്. ഇംഗ്ലണ്ടിന്റെ ഓപ്പണര്‍മാരെ ഇന്ത്യ വീഴ്‌ത്തിയെങ്കിലും മദ്ധ്യനിരയില്‍ ക്യാപ്റ്റന്‍ ഹിതര്‍ നൈറ്റും(53), നാറ്റ് സിവറും(45) ഉണ്ടാക്കിയ കൂട്ടുകെട്ടാണ് ജയം അനായാസമാക്കിയത്.
