ലോകത്തിലെ ഏറ്റവും പ്രായം കുറഞ്ഞ എഴുത്തുകാരൻ എന്ന ഗിന്നസ് റെക്കോർഡ് സ്വന്തമാക്കി സയീദ് റഷീദ് അൽ മെഹെരി. വെറും നാല് വയസ് മാത്രമാണ് സയീദ് റഷീദ് അൽ മെഹെരിയ്ക്കുള്ളത്. ദ എലിഫന്റ് സയീദ് ആൻഡ് ബെയർ എന്ന പുസ്തകമാണ് സയീദ് റഷീദ് അൽ മെഹെരി എഴുതിയത്. രണ്ട് മൃഗങ്ങൾ തമ്മിലുള്ള സൗഹൃദത്തെക്കുറിച്ചാണ് ഈ പുസ്തകത്തിൽ പറയുന്നത്. സഹോദരിയാണ് സയീദ് റഷീദ് അൽ മെഹെരിയുടെ പ്രചോദനം. എട്ടാം വയസ്സിൽ ദ്വിഭാഷാ പുസ്തക പരമ്പര പ്രസിദ്ധീകരിച്ച ഏറ്റവും പ്രായം കുറഞ്ഞ വ്യക്തി എന്ന റെക്കോർഡ് സയീദ് റഷീദ് അൽ മെഹെരിയുടെ സഹോദരിയും കരസ്ഥമാക്കിയിരുന്നു.
സയീദ് എന്ന ആനയുടെയും ഒരു ധ്രുവക്കരടിയുടെയും കഥയാണ് ദ എലിഫന്റ് സയീദ് ആൻഡ് ബെയർ എന്ന പുസ്തകത്തിൽ പറയുന്നത്. അതേസമയം അടുത്ത പുസ്തകത്തിന്റെ പണിപ്പുരയിലാണ് സയീദ് റഷീദ് അൽ മെഹെരിയിപ്പോൾ. അബുദാബി ആസ്ഥാനമായുള്ള റെയിൻബോ ചിമ്മിനി എജ്യുക്കേഷണൽ എയ്ഡ്സാണ് പുസ്തകം പ്രസിദ്ധീകരിച്ചത്. സയീദിന്റെ പുസ്തകം ഇതിനോടകം തന്നെ 1000 കോപ്പികൾ വിറ്റഴിഞ്ഞു.