ചെന്നൈ: മധുരയിൽ പടക്ക നിർമ്മാണ ശാലയിൽ തീപിടിത്തം.അപകടത്തിൽ
അഞ്ച് പേർ വെന്തുമരിച്ചു.പത്തിലേറെ പേർക്ക് പരിക്കേറ്റു.ഉച്ചയ്ക്ക് രണ്ട് മണിയോടെയായിരുന്നു സംഭവം.
തിരുമംഗലം അഴകുചിറയിലെ പടക്കശാലയിലായിരുന്നു തീപിടിത്തം ഉണ്ടായത്.തീ പടർന്നതിന് ശേഷം സ്ഫോടക വസ്തുക്കൾ ഉഗ്രശബ്ദത്തോടെ പൊട്ടിത്തെറിച്ചു. ഇതോടെയാണ് തീപിടിത്തം ഉണ്ടായ വിവരം പ്രദേശവാസികൾ അറിയുന്നത്. തുടർന്ന് ഫയർഫോഴ്സിനെ വിവരം അറിയിക്കുകയായിരുന്നു.
സംഭവ സമയം 15 പേരാണ് പടക്ക നിർമ്മാണ ശാലയിൽ ഉണ്ടായിരുന്നത്. ഇതിൽ പരിക്കേറ്റവരിൽ ചിലരുടെ നില അതീവ ഗുരുതരമാണെന്നാണ് വിവരം. അതിനാൽ മരണ സംഖ്യ വീണ്ടും ഉയരാനാണ് സാദ്ധ്യത. മരിച്ചവരിൽ സ്ത്രീകൾ ഉൾപ്പെടെയുണ്ടെന്നാണ് പ്രാഥമിക വിവരം. മരിച്ചവരെ തിരിച്ചറിയാനുള്ള ശ്രമങ്ങൾ പുരോഗമിക്കുകയാണ്.