കൊച്ചി : അഭിനയത്തിന് പിന്നാലെ തയ്ക്വാൻഡോയിലും ഒരു കൈ പയറ്റാൻ തയ്യാറെടുത്ത് നടി നിമിഷ സജയൻ. തയ്ക്വാൻഡോയോടുള്ള ആരാധനയാണ് ലോക പ്രശസ്തമായ ഈ ആയോധന കല പഠിക്കാൻ നിമിഷ സജയനെ പ്രേരിപ്പിച്ചത്. വൺസ്റ്റെപ് ക്ലബ് തയ്ക്വാൻഡോ അക്കാദമിയിലാണ് നിമിഷ ഇപ്പോൾ പരിശീലനം നേടുന്നത്.
മാസ്റ്റർ എൽദോസ് പി. എബിയാണ് നിമിഷയെ പരിശീലിപ്പിക്കുന്നത്. അക്കാദമിയിൽ തയ്ക്വാൻഡോ പരിശീലിക്കുന്നതിന്റെ ഭാഗമായി മാസ്റ്ററോടൊപ്പം നിൽക്കുന്ന നിമിഷയുടെ ചിത്രം സാമൂഹ്യ മാദ്ധ്യമങ്ങളിൽ വൺസ്റ്റെപ് ക്ലബ് തയ്ക്വാൻഡോ അക്കാദമി പങ്കുവച്ചിട്ടുണ്ട്. ചിത്രങ്ങൾ വൈറലായതിനെ തുടർന്ന് നിമിഷയെ അഭിനന്ദിച്ചുകൊണ്ടു നിരവധി പേരാണ് എത്തുന്നത്.
ഒരു തെക്കൻ തല്ലുകേസ് ആണ് നിമിഷയുടേതായി അവസാനം തിയറ്ററുകളിലെത്തിയ ചിത്രം. നിവിൻ പോളി നായകനാകുന്ന തുറമുഖമാണ് റിലീസിനൊരുങ്ങുന്ന ഏറ്റവും പുതിയ സിനിമ.