പാലക്കാട്: തദ്ദേശ ഉപതെരഞ്ഞെടുപ്പിൽ പാലക്കാട് ജില്ലയിലെ കാഞ്ഞിരപ്പുഴ പഞ്ചായത്തിൽ ബിജെപി സ്ഥാനാർത്ഥിക്ക് ഉജ്വല വിജയം. കാഞ്ഞിരപ്പുഴ വാർഡ് നമ്പർ മൂന്ന് സ്ഥാനാർത്ഥി ശോഭനയാണ് വിജയിച്ചത്. 93 വോട്ടിന്റെ ഭൂരിപക്ഷത്തിലാണ് എൽഡിഎഫിന്റെ സിറ്റിംഗ് വാർഡിൽ ബിജെപിയുടെ മിന്നും വിജയം.
സംസ്ഥാനത്തെ 9 ജില്ലകളിലായി 2 കോർപ്പറേഷനുകളിലും 2 മുനിസിപ്പാലിറ്റികളിലും 15 ഗ്രാമപഞ്ചായത്ത് വാർഡുകളിലുമാണ് ഉപതെരഞ്ഞെടുപ്പ് നടന്നത്. ഉപതെരഞ്ഞെടുപ്പിൽ ഒൻപതിടത്ത് എൽഡിഎഫ് വിജയിക്കുകയും എട്ടിടത്ത് യുഡിഎഫും വിജയിക്കുകയും ചെയ്തു.
