ശശി തരൂർ സ്ത്രീകളെ അപമാനിച്ചു; കേസെടുക്കാൻ ഉത്തരവിട്ട് കോടതി..
സ്ത്രീകളെ മോശമായി ചിത്രീകരിച്ചതിന് ശശി തരൂര് എംപിക്കെതിരെ കേസെടുത്ത് തിരുവനന്തപുരം അഡീഷണല് ചീഫ് മജിസ്ട്രേറ്റ് കോടതി. തരൂര് തന്റെ ദ ഗ്രേറ്റ് ഇന്ത്യന് നോവല് എന്ന പുസ്തകത്തില് നായര് സ്ത്രീകളെ മോശമായി ചിത്രീകരിച്ചെന്ന് ആരോപിച്ച് സമര്പ്പിച്ച പരാതിയിലാണ് നടപടി. തിരുവനന്തപുരം അഡിഷണല് സിജെഎം കോടതിയാണ് സമന്സ് അയച്ചിരിക്കുന്നത്. ശശി തരൂരിനോട് അടുത്ത മാസം 21 ന് ഹാജരാകണമെന്നാണ് കോടതി നിര്ദേശിച്ചിരിക്കുന്നത്.