ഇംഗ്ലണ്ട് ഏകദിന-ട്വന്റി20 നായകന്‍ ഇയോന്‍ മോര്ഗന് അന്താരാഷട്ര ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ചു. 2015ലെ ഏകദിന ലോകകപ്പില്‍ നിന്ന് നേരത്തെ പുറത്തായ ഇംഗ്ലണ്ടിനെ ഇന്ന് കാണുന്ന ടീമായി വളര്‍ത്തിയതില്‍ നിര്‍ണായക പങ്കുവഹിച്ച താരമാണ് മോര്ഗന്. മോര്ഗന് കീഴിലാണ് 2019ലെ ഏകദിന ലോകകപ്പില്‍ ഇംഗ്ലണ്ട് ജേതാക്കളായത്.
അയര്‍ലന്‍ഡിന് വേണ്ടിയാണ് മോര്ഗന് ആദ്യ കാലത്ത് കളിച്ചിരുന്നത്. പിന്നീട് ഇംഗ്ലണ്ടില്‍ എത്തിയ അദ്ദേഹം ദേശീയ ടീമിന്റെ ഭാഗമാകുകയായിരുന്നു. ഇംഗ്ലണ്ടിന് വേണ്ടി 16 ടെസ്റ്റ് മത്സരങ്ങളില്‍ മോര്ഗന് കളിച്ചിട്ടുണ്ട്. പരിമിത ഓവര്‍ ക്രിക്കറ്റില്‍ മികച്ച പ്രകടനമാണ് മോര്ഗന് കാഴ്ചവെച്ചിട്ടുള്ളത്. 248 ഏകദിന മത്സരങ്ങളിലും 115 ടി20 മത്സരങ്ങളിലും മോര്ഗന് ഇംഗ്ലണ്ട് ജേഴ്‌സിയണിഞ്ഞു.
ഏകദിനത്തില്‍ 7701 റണ്‍സ് അടിച്ചുകൂട്ടിയ മോര്ഗന് ടി20യില്‍ 2458 റണ്‍സും നേടിയിട്ടുണ്ട്. ടെസ്റ്റില്‍ 700 റണ്‍സാണ് മോര്‍ഗന്റെ സമ്പാദ്യം. 126 ഏകദിന മത്സരങ്ങളിലും 72 ടി20 മത്സരങ്ങളിലും മോര്ഗന് ഇംഗ്ലണ്ടിനെ നയിച്ചു. 2011ല്‍ ഇംഗ്ലണ്ടിന്റെ നായകനായ ശേഷം 118 മത്സരങ്ങളില്‍ വിജയിക്കാന്‍ മോര്ഗന് കഴിഞ്ഞിരുന്നു. 2019ലെ ഏകദിന ലോകകപ്പ് ഉയര്‍ത്തിയ മോര്ഗന് 2021ല്‍ നടന്ന ടി20 ലോകകപ്പില്‍ തന്റെ ടീമിനെ സെമി ഫൈനല്‍ വരെ എത്തിക്കുകയും ചെയ്തിരുന്നു.
