തിരുവനന്തപുരം: ചിക്കന് വിഭവങ്ങളുടെ സുരക്ഷിതത്വം ഉറപ്പാക്കാനായി സംസ്ഥാന വ്യാപകമായി ഭക്ഷ്യ സുരക്ഷാ വകുപ്പിൻ്റെ നേതൃത്വത്തില് ഭക്ഷ്യ സുരക്ഷാ വകുപ്പിൻ്റെ പരിശോധനയിൽ വ്യാപക ക്രമക്കേടുകൾ കണ്ടെത്തി. അളവില് കൂടുതല് കൃത്രിമ നിറങ്ങള് ചേര്ക്കുന്നുവെന്ന പരാതിയെ തുടര്ന്നാണ് വ്യാപാര സ്ഥാപനങ്ങളില് പരിശോധനകള് നടത്തിയത്.
അല്-ഫാം, തന്തൂരി ചിക്കന്, ഗ്രില്ഡ് ചിക്കന്, ഷവായ തുടങ്ങിയ ഭക്ഷണങ്ങള് വില്ക്കുന്ന കടകള് കേന്ദ്രീകരിച്ചായിരുന്നു പരിശോധന. സംസ്ഥാന വ്യാപകമായി 448 സ്ഥാപനങ്ങളിലാണ് പരിശോധന നടത്തിയത്. പരിശോധനാ ഫലത്തിൻ്റെ അടിസ്ഥാനത്തില് ശക്തമായ തുടര് നടപടികള് സ്വീകരിക്കും. വീഴ്ചകള് കണ്ടെത്തിയ 15 സ്ഥാപനങ്ങളുടെ പ്രവര്ത്തനം നിര്ത്തിവയ്പ്പിച്ചു. 49 സ്ഥാപനങ്ങള്ക്ക് റെക്ടിഫിക്കേഷന് നോട്ടീസും 74 സ്ഥാപനങ്ങള്ക്ക് കോമ്പൗണ്ടിംഗ് നോട്ടീസും നല്കി.
ഇതുകൂടാതെ പുതുവത്സര സീസണില് കേക്ക്, വൈന്, ബേക്കറി വസ്തുക്കള് നിര്മ്മിക്കുന്ന ബോര്മകള്, ബേക്കറി, മറ്റ് ചെറുകിട സംരംഭങ്ങള് എന്നിവിടങ്ങളിലും പരിശോധന നടത്തുന്നണ്ട്. മത്സ്യ, മാംസ ഉത്പ്പന്നങ്ങളുടെ വിപണന കേന്ദ്രങ്ങളിലും പരിശോധന നടന്നു.