ദക്ഷിണേന്ത്യയിൽ തരംഗമായ കന്നഡ ചിത്രമാണ് കാന്താര. സെപ്തംബർ 30ന് റിലീസായ ചിത്രം ബോക്സ് ഓഫീസിൽ ഹിറ്റാണ് . ചിത്രത്തിന്റെ മലയാളം, ഹിന്ദി, തമിഴ്, തെലുങ്ക് പതിപ്പുകളും തിയേറ്ററുകളിലെത്തിയിട്ടുണ്ട് . എന്നാൽ ചിത്രത്തെ പ്രശംസിച്ച് മലയാളി താരം ജയസൂര്യ രംഗത്തെത്തിയിട്ടുണ്ട്.
. ‘എന്തൊരു സിനിമ! എന്തൊരു പ്രകടനം!എന്തൊരു വിഷയം! നിങ്ങളുടെ ട്രാന്സ് പെര്ഫോമന്സ് ഇഷ്ടപ്പെട്ടു സഹോദരാ… മുഴുവന് കന്താര ടീമിനും അഭിനന്ദനങ്ങള്. ഈ ദൈവിക യാത്ര നഷ്ടപ്പെടുത്തരുത്’ എന്നാണ് ജയസൂര്യ പറഞ്ഞത്.
ഋഷഭ് ഷെട്ടിയുടെ കാന്താരയെ പ്രശംസിച്ച് സൂപ്പര്സ്റ്റാര് രജനികാന്തും രംഗത്തെത്തിയിരുന്നു. ഈ ചിത്രം തനിക്ക് ഞെട്ടലുണ്ടാക്കിയെന്നും ഋഷഭ് ഷെട്ടിയുടെ പ്രകടനത്തില് തന്റെ മനംനിറഞ്ഞെന്നുമാണ് രജനി പറഞ്ഞത്. കാന്താരയെ ഇന്ത്യന് സിനിമയിലെ മാസ്റ്റര്പീസ് എന്ന് വിളിച്ച അദ്ദേഹം സംവിധായകന്, എഴുത്തുകാരന്, നടന് എന്നീ നിലകളില് ഋഷഭ് ഷെട്ടിയുടെ കഴിവ് അത്ഭുതപ്പെടുത്തി എന്നും പറഞ്ഞിരുന്നു .