മലപ്പുറം: കരിപ്പൂരില് വീണ്ടും സ്വര്ണ്ണവേട്ട. 3 യാത്രക്കാരില് നിന്നായി പിടിച്ചെടുത്തത് ഒന്നര കോടി രൂപയുടെ സ്വര്ണ്ണം. 3 കാരിയര്മാരടക്കം 10 പേര് പിടിയിലായി. ദുബായില് നിന്നെത്തിയ കാഞ്ഞങ്ങാട് സ്വദേശി അഫ്രുദീന്, ഷാര്ജയില് നിന്നെത്തിയ കണ്ണൂര് സ്വദേശി ഇ.കെ. ആബിദ്, മലപ്പുറം വഴിക്കടവ് സ്വദേശി എടത്തൊടിക ആസിഫലി എന്നിവരാണ് ആദ്യം അറസ്റ്റിലായത്.
കൂടാതെ പ്രതികൾ ശരീരത്തിലെ രഹസ്യ ഭാഗത്ത് ഒളിപ്പിച്ചു കടത്തിയ 2.675 കിലോ സ്വര്ണ്ണവും പിടികൂടി. പ്രതികളെ കൂട്ടിക്കൊണ്ടുപോകാനെത്തിയ 3 കാറുകളും പോലീസ് പിടിച്ചെടുത്തു. കസ്റ്റംസ് പരിശോധന പൂര്ത്തിയാക്കിയതിന് ശേഷം പുറത്തിറങ്ങിയ 15 കാരിയര്മാരാണ് ഇതിനകം തുടര്ച്ചയായി പോലീസ് വലയിലാകുന്നത്.
കരിപ്പൂര് വിമാനത്താവളത്തില് കഴിഞ്ഞ ഒന്നര മാസത്തിനിടെ 12 കിലോ സ്വര്ണ്ണമാണ് പോലീസ് പിടിച്ചത്.