അടൂർ: വിൽപ്പനക്കായി വീട്ടിൽ കഞ്ചാവ് സൂക്ഷിച്ച അച്ഛനും മകനും പിടിയിൽ. അടൂർ പള്ളിക്കൽ തെങ്ങമം പുന്നാറ്റുകര വടക്കേവീട്ടിൽ രവീന്ദ്രൻ (57), മകൻ മണികണ്ഠൻ എന്നിവരാണ് പിടിയിലായത്. ഡാൻസാഫ് സംഘവും അടൂർ പോലീസും ചേർന്ന് നടത്തിയ റെയ്ഡിലാണ് ഇരുവരും പിടിയിലായത്. ഒരു കിലോ കഞ്ചാവാണ് ഇവരിൽ നിന്നും പിടിച്ചെടുത്തത്. രവീന്ദ്രൻ മുമ്പ് അബ്കാരി കേസിലും കഞ്ചാവ് കേസിലും ജയിൽ ശിക്ഷ അനുഭവിച്ചിട്ടുണ്ടെന്ന് പോലീസ് പറഞ്ഞു. ജില്ലാ പോലീസ് മേധാവി സ്വപ്നിൽ മധുകർ മഹാജനു ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പോലീസ് നടപടി.
ഡാൻസാഫ് ജില്ലാ നോഡൽ ഓഫീസറും, നർകോട്ടിക് സെൽ ഡിവൈഎസ്പിയുമായ കെ. എ. വിദ്യാധരന്റെയും അടൂർ ഡിവൈഎസ്പി ആർ. ജയാജിന്റെയും മേൽനോട്ടത്തിലാണ് റെയ്ഡ് നടന്നത്. പ്രതികൾ നാളുകളായി
പോലീസിന്റെ നിരീക്ഷണത്തിലായിരുന്നു. പ്രതികളെ കോടതിയിൽ ഹാജരാക്കും.