തിരുവനന്തപുരം: കേരള സർക്കാരിന്റെ സില്വര്ലൈന് പദ്ധതിയെ രൂക്ഷമായി വിമര്ശിച്ചുകൊണ്ട് പ്രമുഖ പരിസ്ഥിതി പ്രവര്ത്തക മേധാ പട്കര്. സില്വര്ലൈന് വിരുദ്ധ ജനകീയ സമിതിയുടെ സെക്രട്ടേറിയറ്റ് മാര്ച്ച് ഉദ്ഘാടനം ചെയ്തു സംസാരിക്കുകയായിരുന്നു മേധ. വികസനമാകാം, വിനാശമല്ല വേണ്ടതെന്നും, ഇത് യുക്രെയ്നല്ല, കേരളമാണെന്നും അവർ പറഞ്ഞു. സില്വര്ലൈന് ഒരു പരാജയ പദ്ധതിയാകുമെന്നും മേധാ പട്കര് അഭിപ്രായപ്പെട്ടു.
പ്രളയം കഴിഞ്ഞപ്പോഴെങ്കിലും കേരളത്തിലെ വികസനരീതികൾ മാറ്റുമെന്ന് കരുതിയെന്നും, സില്വര്ലൈന് പദ്ധതിയുടെ സാമൂഹിക ആഘാതപഠനം നടത്താൻ പോലും കഴിഞ്ഞിട്ടില്ലെന്നും അവർ ചൂണ്ടിക്കാട്ടി.
