മൂവാറ്റുപുഴ: അമ്മയെ അതിക്രൂരമായി മര്ദിച്ച് കൊലപ്പെടുത്തിയ കേസില് മകന് അറസ്റ്റില്.
മൂവാറ്റുപുഴ പള്ളിച്ചിറങ്ങരയില് വാടകയ്ക്ക് താമസിക്കുന്ന വാഗമണ് കാപ്പിപതാല് കുറ്റിയില് വീട്ടില് നാരായണന്റെ ഭാര്യ ശാന്തമ്മയാണ് കൊല്ലപ്പെട്ടത്.70 വയസ്സായിരുന്നു. മകന് മനോജിനെ പോലീസ് അറസ്റ്റ് ചെയ്തു.
ശാന്തമ്മയുടെ തലപിടിച്ച് ഇയാള് അടുക്കള ഭിത്തിയില് ഇടിച്ചു. അവശയായ ശാന്തമ്മ ഛര്ദിച്ച് വീണതോടെ മനോജ് ഇവരെ കട്ടിലില് കൊണ്ടുവന്ന് കിടത്തി. തുടര്ന്നും മര്ദിച്ചു. മുഖത്ത് ഇടിച്ചും കഴുത്തില് ഞെക്കിയും കൊലപ്പെടുത്തിയെന്നാണ് പോലീസിന്റെ നിഗമനം. തലയ്ക്കേറ്റ ക്ഷതമാണ് മരണ കാരണമെന്നാണ് പോസ്റ്റ്മോര്ട്ടം റിപ്പോര്ട്ട്.
ജില്ലാ പോലീസ് മേധാവി കെ. കാര്ത്തിക്കിന്റെ നേതൃത്വത്തില് മൂവാറ്റുപുഴ പോലീസ് ഇന്സ്പെക്ടര്മാരായ സി.ജെ. മാര്ട്ടിന്, എം.കെ. സജീവന് എന്നിവര് നടത്തിയ അന്വേഷണത്തിലാണ് ശാന്തമ്മയുടെ മരണം കൊലപാതകമാണെന്ന് തെളിഞ്ഞത്.

