പത്തനംതിട്ട: പ്രായപൂര്‍ത്തിയാകാത്ത പെണ്‍കുട്ടിയ്ക്ക് നേരെ ലൈംഗികാതിക്രമം നടത്തിയ യുവാവ് പിടിയിൽ. പെണ്‍കുട്ടിയെ വീട്ടില്‍ കയറി ഇയാൾ ശല്യം ചെയ്യുകയായിരുന്നു. അട്ടത്തോട് കിഴക്കേക്കര കോളനിയില്‍ കിടങ്ങില്‍ വീട്ടില്‍ അജിതാണ് പോലീസ് പിടിയിലായത്. പമ്പ പോലീസാണ് പ്രതിയെ പിടികൂടിയത്.
കഴിഞ്ഞ അഞ്ചാം തീയതിയാണ് പമ്പ പോലീസ് കേസെടുത്തത്. വീട്ടില്‍ ആരുമില്ലാതിരുന്ന സമയത്ത് പ്രതി അതിക്രമിച്ചു കയറി പതിനാലുകാരിയെ ഉപദ്രവിക്കാന്‍ ശ്രമിച്ചെന്നാണ് പരാതി. കുട്ടിയുടെ മൊഴിയുടെ അടിസ്ഥാനത്തില്‍ പോലീസ് ഇന്‍സ്പെക്ടര്‍ വിപിന്‍ ഗോപിനാഥാണ് കേസെടുത്ത് അന്വേഷണം നടത്തി അറസ്റ്റു രേഖപ്പെടുത്തിയത്. പ്രതിയെ കോടതിയില്‍ ഹാജരാക്കി.
