തിരുവനന്തപുരം: സംസ്ഥാനത്ത് സ്കൂള് തുറക്കുന്നത് നീട്ടിവയ്ക്കില്ലെന്ന്മന്ത്രി എ സി മൊയ്തീന്. നേരത്തെ നിശ്ചയിച്ച പ്രകാരം വ്യാഴാഴ്ച തന്നെ സ്കൂളുകള് അവധി കഴിഞ്ഞ് തുറക്കും. മാറ്റിവയ്ക്കേണ്ട സാഹചര്യം നിലവില് ഇല്ലെന്നും മന്ത്രി പറഞ്ഞു.
അതേസമയം നിപയെ നേരിടാന് ആരോഗ്യമേഖല പൂര്ണസജ്ജമെന്ന് മുഖ്യമന്ത്രി പിണറായി വിജയന്. രോഗം സ്ഥിരീകരിച്ചതുകൊണ്ട് ആശങ്കപ്പെടേണ്ടതില്ല. ആരോഗ്യവകുപ്പ് നല്കുന്ന നിര്ദേശങ്ങള് പാലിക്കണമെന്നും മുഖ്യമന്ത്രി പറഞ്ഞു.
കോഴിക്കോട്ട് നിപ്പയെ എങ്ങിനെ പ്രതിരോധിച്ചോ അതിനേക്കാള് ആത്മവിശ്വാസത്തോടെയുള്ള പ്രവര്ത്തനങ്ങളാണ് എറണാകുളം ഇടുക്കി തൃശൂര് ജില്ലകളില് ആരോഗ്യവകുപ്പ് ഏറ്റെടുത്തിട്ടുള്ളത് . ഒന്നിനെക്കുറിച്ചും സംശയമില്ല .നിപ്പ സ്ഥിരീകരിക്കുന്നതിനും മുമ്പേ ചെയ്യേണ്ടതെല്ലാം ചെയ്തു കഴിഞ്ഞു. രോഗബാധയുണ്ടാകാന് സാധ്യതയുള്ള മുഴുവനാളുകളെയും കണ്ടെത്തി.