കേരളത്തിലെ അന്യ സംസ്ഥാന തൊഴിലാളികളുടെ കണക്കെടുക്കാനൊരുങ്ങി പൊലീസ്; പ്ര​ത്യേ​ക പെ​ർ​ഫോ​മ ത​യാ​റാ​ക്കി​യും ക്യാം​പു​ക​ളി​ൽ നേ​രി​ട്ടെ​ത്തി​യായിരിക്കും വിവര ശേഖരണം

കേരളത്തിലെ ഇതര സംസ്ഥാന തൊഴിലാളികളുടെ കണക്കെടുക്കാനൊരുങ്ങി പൊലീസ്
തിരുവനന്തപുരം: കേ​ര​ള​ത്തി​ലെ ഇ​ത​ര സം​സ്ഥാ​ന തൊ​ഴി​ലാ​ളി​ക​ളു​ടെ സ​മ​ഗ്ര വി​വ​ര​ങ്ങ​ൾ ശേ​ഖ​രി​ക്കാ​നൊ​രു​ങ്ങി പൊ​ലീ​സ്. ഓ​രോ സ്റ്റേ​ഷ​ൻ പ​രി​ധി​യി​ലു​മു​ള്ള​വ​രു​ടെ ക​ണ​ക്കെ​ടു​ക്കാ​ൻ എ​ഡി​ജി​പി നി​ർ​ദേ​ശം ന​ൽ​കി. ക​ഴി​ഞ്ഞ ദി​വ​സം ചേ​ർ​ന്ന പൊ​ലീ​സ് ഉ​ദ്യോ​ഗ​സ്ഥ​രു​ടെ യോ​ഗ​ത്തി​ലാ​ണ് തീ​രു​മാ​നം. ഇ​ത​ര സം​സ്ഥാ​ന തൊ​ഴി​ലാ​ളി​ക​ളു​ടെ വി​വ​ര​ങ്ങ​ൾ ശേ​ഖ​രി​ക്കാ​നാ​യി പ്ര​ത്യേ​ക പെ​ർ​ഫോ​മ ത​യാ​റാ​ക്കി​യും ക്യാം​പു​ക​ളി​ൽ നേ​രി​ട്ടെ​ത്തി​യും വി​വ​രം ശേ​ഖ​രി​ക്കു​മെ​ന്നാ​ണ് വി​വ​രം.

കാ​ല​ങ്ങ​ളാ​യി വി​വി​ധ ജോ​ലി​ക​ൾ​ക്കാ​യി ഇ​ത​ര സം​സ്ഥാ​ന​ങ്ങ​ളി​ൽ നി​ന്നും തൊ​ഴി​ലാ​ളി​ക​ൾ എ​ത്തി​യി​രു​ന്നെ​ങ്കി​ലും അ​വ​രു​ടെ കൃ​ത്യ​മാ​യ ക​ണ​ക്ക് സ​ര്‍ക്കാ​രി​നോ പൊ​ലീ​സി​നോ ഉ​ണ്ടാ​യി​രു​ന്നി​ല്ല. അ​വ​ർ​ക്ക് നി​ല​വി​ല്‍ ര​ജി​സ്ട്രേ​ഷ​നും പൊ​ലീ​സ് ക്ലീ​യ​റ​ന്‍സ് സ​ര്‍ട്ടി​ഫി​ക്ക​റ്റും നി​ര്‍ബ​ന്ധ​മ​ല്ല. തൊ​ഴി​ലാ​ളി​ക​ളെ കൊ​ണ്ടു​വ​രു​ന്ന ഏ​ജ​ന്‍റു​മാ​ര്‍ക്ക് ലൈ​സ​ന്‍സ് പോ​ലു​മി​ല്ലാ​ത്ത സാ​ഹ​ച​ര്യ​മാ​ണെ​ന്നും പ്രാ​ഥ​മി​ക അ​ന്വേ​ഷ​ണ​ത്തി​ൽ വ്യ​ക്ത​മാ​യി.

ആ​ലു​വ​യി​ല്‍ 5 വ​യ​സു​കാ​രി​യെ ഇ​ത​ര സം​സ്ഥാ​ന​ക്കാ​ര​ൻ ക്രൂ​ര​മാ​യി കൊ​ല​പ്പെ​ടു​ത്തി​യ സാ​ഹ​ച​ര്യ​ത്തി​ല്‍ നി​യ​മ​നി​ര്‍മാ​ണം സ​ർ​ക്കാ​ർ ആ​ലോ​ചി​ക്കു​ന്ന സാ​ഹ​ച​ര്യ​ത്തി​ലാ​ണി​പ്പോ​ൾ‌ പൊ​ലീ​സ് ന​ട​പ​ടി. ഇ​തി​നു പി​ന്നാ​ലെ​യാ​ണ് എ​സ്പി​മാ​രു​ടെ യോ​ഗ​ത്തി​ൽ എ​ഡി​ജി​പി എം.​ആ​ര്‍. അ​ജി​ത് കു​മാ​ര്‍ വി​വ​ര​ശേ​ഖ​ര​ണം സം​ബ​ന്ധി​ച്ച നി​ര്‍ദേ​ശം ന​ല്‍കി​യ​ത്. ഓ​രോ സ്റ്റേ​ഷ​ന്‍ പ​രി​ധി​യി​ലു​ള്ള ഇ​ത​ര സം​സ്ഥാ​ന തൊ​ഴി​ലാ​ളി​ക​ളു​ടെ ക​ണ​ക്കെ​ടു​ക്ക​ണം. ജി​ല്ലാ പൊ​ലീ​സ് മേ​ധാ​വി​ക​ള്‍ ഇ​ത് ശേ​ഖ​രി​ക്ക​ണം. ക്യാം​പു​ക​ൾ സ​ന്ദ​ർ​ശി​ച്ച് ഓ​രോ തൊ​ഴി​ലാ​ളി​യു​ടെ​യും വി​വ​ര​ങ്ങ​ൾ ശേ​ഖ​രി​ക്കും. പി​ന്നാ​ലെ ഏ​തു സം​സ്ഥാ​ന​ത്തു നി​ന്നാ​ണോ വ​രു​ന്ന​ത് അ​വി​ടെ​ത്തെ പൊ​ലി​സ് സ​ർ​ട്ടി​ഫി​ക്ക​റ്റ് നി​ർ​ബ​ന്ധ​മാ​ക്കും. നി​യ​മ നി​ർ​മാ​ണ​ത്തി​ന് ശേ​ഷം ലേ​ബ​ർ വ​കു​പ്പി​ന്‍റെ സ​ർ​ട്ടി​ഫി​ക്ക​റ്റും നി​ർ​ബ​ന്ധ​മാ​ക്കും. വ്യ​വ​സ്ഥ​ക​ൾ നി​ർ​ബ​ന്ധ​മാ​ക്കു​മ്പോ​ൾ കു​റ്റ​വാ​ളി​ക​ളെ​ത്തു​ന്ന​ത് നി​യ​ന്ത്രി​ക്കാ​നാ​കു​മെ​ന്നാ​ണ് പ്ര​തീ​ക്ഷ.