ധാക്ക: ലോകത്തിലെ തന്നെ ഏറ്റവും പൊക്കം കുറഞ്ഞ പശുവിനെ കാണാൻ കോവിഡിനിടയിലും ബംഗ്ലാദേശിലേക്ക് ഒഴുകിയെത്തി ജനം. 51 സെന്റിമീറ്റർ മാത്രം പൊക്കമുള്ള പശുവാണ് ഇപ്പോൾ ലോകത്തിനു കൗതുകമാകുന്നത്. ലോകത്തെ ഏറ്റവും പൊക്കം കുറഞ്ഞ പശുവാണിതെന്നാണ് ഉടമയുടെ അവകാശവാദം.
എന്നാൽ കോവിഡ് വ്യാപനം തടയുന്നതിന് ലോക്ക്ഡൗൺ നിയന്ത്രണങ്ങൾ നിലനിൽക്കേയാണ്, ഇതെല്ലാം ലംഘിച്ച് കൊണ്ട് ജനം പൊക്കം കുറഞ്ഞ പശുവിനെ കാണാൻ തടിച്ചുകൂടിയത്. ധാക്കയിൽ നിന്ന് 30 കിലോമീറ്റർ അകലെയുള്ള ചാരിഗ്രാമിലെ ഫാമിലാണ് പശുവിനെ വളർത്തുന്നത്. പശുവിന്റെ പേര് റാണി എന്നാണ് . പൊക്കം പോലെ ഭാരവും കുറവാണ്. 26 കിലോ തൂക്കമാണ് പശുവിന്. ഗിന്നസ് ബുക്കിൽ ഇടംപിടിച്ച പശുവിനേക്കാൾ പത്തുസെന്റിമീറ്റർ പൊക്കം കുറവാണ് ഇതിനെന്നാണ് അവകാശവാദം.
നിലവിൽ കേരളത്തിലെ മാണിക്യത്തിനാണ് ലോകത്തെ ഏറ്റവും പൊക്കം കുറഞ്ഞ പശു എന്ന ഗിന്നസ് റെക്കോർഡ്. വെച്ചൂർ ഇന്നത്തിൽപ്പെട്ട പശുവാണിത്. 2014ലാണ് 61 സെന്റിമീറ്റർ മാത്രം പൊക്കവുമായി ഗിന്നസ് ബുക്കിൽ മാണിക്യം ഇടംപിടിച്ചത്. മൂന്ന് മാസത്തിനകം ഏതാണ് ഏറ്റവും പൊക്കം കുറഞ്ഞ പശു എന്ന കാര്യത്തിൽ തീരുമാനമെടുക്കുമെന്ന് ഗിന്നസ് വേൾഡ് റെക്കോർഡ്സ് അറിയിച്ചു.
ഭൂട്ടാനിൽ നിന്നുള്ള പശുവാണ് റാണി. ബംഗ്ലാദേശിൽ ഇറച്ചിക്ക് വേണ്ടിയാണ് ഇതിനെ കൊണ്ടുവന്നത്. ഫാമിലുള്ള മറ്റു ഭൂട്ടാനിൽ നിന്നുള്ള പശുക്കൾക്ക് റാണിയുടെ ഇരട്ടി വലിപ്പമുണ്ട്.പശുവിന്റെ സുരക്ഷ കണക്കിലെടുത്ത് സന്ദർശകർക്ക് വിലക്കേർപ്പെടുത്താൻ ഫാമിന് സർക്കാർ നിർദേശം നൽകി.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
