തെന്നിന്ത്യന്‍ സിനിമാലോകം ഒന്നടങ്കം ആഘോഷമാക്കിയ വിവാഹമായിരുന്നു നയന്‍താരയുടേയും വിഘ്നേഷ് ശിവന്റേയും. ബോളിവുഡിലേയും തെന്നിന്ത്യയിലേയും സൂപ്പര്‍താരങ്ങള്‍ വിവാഹത്തില്‍ പങ്കെടുത്തിരുന്നു.
ഇപ്പോള്‍ വിവാഹത്തിന് എത്തിയ പ്രമുഖരുടെ ചിത്രങ്ങള്‍ പുറത്തുവിട്ടിരിക്കുകയാണ് വിഘ്നേഷ്. ഷാരുഖ് ഖാന്‍, രജനീകാന്ത്, മണിരത്നം എന്നിവര്‍ക്കൊപ്പമുള്ള നയന്‍സിന്റേയും വിക്കിയുടേയും ചിത്രങ്ങളാണ് പുറത്തുവന്നത്.
വിവാഹം കഴിഞ്ഞ് ഒരുമാസം പൂര്‍ത്തിയാകുന്ന അവസരത്തിലാണ് അതിഥികളുടെ ചിത്രങ്ങള്‍ പുറത്തുവിട്ടത്. ഇതിലപ്പുറം എന്താണ് ചോദിക്കാനാവുക. വിനയവും കരുണയുമുള്ള വിസ്മയിപ്പിക്കുന്ന ഈ മനുഷ്യന്‍ ഞങ്ങള്‍ക്കൊപ്പം ഉണ്ടായത് അനുഗ്രഹമായി കാണുന്നു. എന്ന അടിക്കുറിപ്പിലാണ് ഷാരുഖ് ഖാനൊപ്പമുള്ള ചിത്രങ്ങള്‍ പങ്കുവച്ചിരിക്കുന്നത്. രജനീകാന്ത് വിവാഹത്തിന് എത്തിയതിന്റെ സന്തോഷം പങ്കുവച്ചുകൊണ്ടാണ് അദ്ദേഹത്തിനൊപ്പമുള്ള ചിത്രങ്ങളും പങ്കുവെച്ചത്.
ജൂണ്‍ ഒന്‍പതിനായിരുന്നു നയന്‍താരയും വിഘ്നേഷ് ശിവനും തമ്മിൽ വിവാഹിതരായത്. കാരണവസ്ഥാനത്തു നിന്ന രജനീകാന്തിന്റെ അനുഗ്രഹം ഏറ്റുവാങ്ങിയായിരുന്നു വിവാഹം. മഹാബലിപുരത്തെ ഷെറാട്ടണ്‍ ഗ്രാന്‍ഡ് റിസോര്‍ട്ടിലെ വേദിയില്‍ ഗ്ലാസ് കൂടാരത്തിന്റെ മാതൃകയില്‍ ഒരുക്കിയ പന്തലില്‍ വച്ചു നടന്ന ചടങ്ങില്‍ വിജയ്, സൂര്യ, അജിത്ത് കുമാര്‍ ഉള്‍പ്പടെയുള്ള സൂപ്പര്‍താരങ്ങള്‍ എത്തിയിരുന്നു. ഏഴു വർഷത്തെ പ്രണയത്തിന് ശേഷമായിരുന്നു ഇരുവരുടെയും വിവാഹം.
