ഈ വർഷം ആരംഭിക്കാനിരിക്കുന്ന വനിതാ ഐപിഎല്ലിനായുള്ള ഒരുക്കങ്ങൾ മുന്നേറുകയാണ്. 17 കമ്പനികളാണ് ടീമുകൾക്കായി ടെൻഡർ സമർപ്പിച്ചത്. ഇതിൽ 7 എണ്ണം വിവിധ ഐപിഎൽ ഫ്രാഞ്ചൈസികളാണ്. മുംബൈ ഇന്ത്യൻസ്, കൊൽക്കത്ത നൈറ്റ് റൈഡേഴ്സ്, രാജസ്ഥാൻ റോയൽസ്, സൺറൈസേഴ്സ് ഹൈദരാബാദ്, ദില്ലി ക്യാപിറ്റൽസ്, പഞ്ചാബ് കിംഗ്സ്, റോയൽ ചലഞ്ചേഴ്സ് ബാംഗ്ലൂർ എന്നീ ഐപിഎൽ ഫ്രാഞ്ചൈസികളാണ് വനിതാ ടീമുകൾക്കായി ഇപ്പോൾ രംഗത്തുള്ളത് .
അദാനി ഗ്രൂപ്പ്, ടോറൻ്റ് ഫാർമ, ജെകെ സിമൻ്റ്, അപ്പോളോ ടയേഴ്സ് തുടങ്ങിയ കമ്പനികളും വനിതാ ടീമിനായി ടെൻഡർ സമർപ്പിച്ചിട്ടുണ്ട്. ആദ്യത്തെ വനിതാ ഐപിഎല്ലിൽ അഞ്ച് ടീമുകളാണ് ഉണ്ടാവുക. വയാകോം ആണ് വനിതാ ഐപിഎൽ സംപ്രേഷണാവകാശം സ്വന്തമാക്കിയത്.
