സ്ത്രീധനം മാത്രമല്ല, ചിന്താഗതിയും ഇവിടെ പ്രധാന കാര്യമാണെന്ന് നടി നേഹ റോസ്. കൊല്ലം ശാസ്താംകോട്ടയിൽ വിസ്മയ എന്ന യുവതി മരിച്ച സംഭവവുമായി ബന്ധപ്പെട്ട് പ്രതികരിച്ച് രംഗത്ത് എത്തിയിരിക്കുകയാണ് നടി. പെണ്ണ് വെറും പെണ്ണാണ്, എന്നും താഴ്ന്നു നിൽക്കണം എന്ന ചിന്താഗതിയാണ് ഇന്നും പലരും വച്ച് പുലർത്തുന്നതെന്നും ഇത് മാറേണ്ടതുണ്ടെന്നും നടി പറയുന്നു. ആണും പെണ്ണും എല്ലാവരും വെറും ശ്വാസം മാത്രമാണെന്നും, വെറും മനുഷ്യരാണെന്നും അതിനപ്പുറം ഒരാളും ഒന്നുമല്ലെന്നും ഫേസ്ബുക്കിൽ നേഹ കുറിച്ചു.
നടി നേഹയുടെ കുറിപ്പിന്റെ പൂർണ്ണരൂപം
സ്ത്രീധനം മാത്രമാണോ ഇവിടെ വിഷയം? അതിലുപരി എങ്ങനെ സാധിച്ചു ഇത്രമാത്രം ഉപദ്രവിക്കാൻ?. ചിന്താഗതിയും ഒരു പ്രധാന കാര്യമല്ലേ?
“പെണ്ണ് വെറും പെണ്ണാണ്, എന്തും പറയാം അടിക്കാം, പെണ്ണ് എന്നും താഴ്ന്നു താഴ്ന്നു നിൽക്കണം, എന്ന ചിന്താഗതി ഇന്നും പലരും വച്ച് പുലർത്തുന്നു. എന്നെ കിട്ടുന്നത് നിന്റെ ഭാഗ്യമാണ്, നീയെനിക്ക് ഒന്നുമല്ല എന്ന് തുടങ്ങുന്ന ഡയലോഗുകൾ ഒരിക്കലെങ്കിലും കേട്ടിട്ടില്ലാത്ത പെണ്ണുങ്ങൾ കുറവാണ്. ( എല്ലാ നാട്ടിലും, രാജ്യങ്ങളിലും, ലോകമെമ്പാടും ഇന്നും ഇത് കേൾക്കാൻ സാധിക്കും ) ഞാനും ഒരുപാട് കേട്ടിട്ടുണ്ട്…
പോടാ പുല്ലേ എന്ന് തിരിച്ചു പറഞ്ഞിട്ടുണ്ട്. നാണമില്ലേ… ആണും പെണ്ണും എല്ലാവരും വെറും ശ്വാസം മാത്രമാണ്, വെറും മനുഷ്യനാണ്… അതിനപ്പുറം നമ്മൾ ഒന്നുമല്ല! “
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്‌സിൻ എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
