ദുബായ്: എ.എഫ്.സി അണ്ടര്‍ 23 ഏഷ്യന്‍ കപ്പ് 2022 യോഗ്യത റൗണ്ട് പോരാട്ടത്തില്‍ ഇന്ത്യക്ക് വമ്പൻ ജയം. ദുബായിലെ ഫുജൈറ സ്റ്റേഡിയത്തില്‍ നടന്ന മത്സരത്തില്‍ ഇന്ത്യ ഒമാനെ 2-1നാണ് തോല്‍പിച്ചത്.
റഹീം അലി (6), വിക്രം പ്രതാപ് സിങ് (37) എന്നിവരാണ് ഇന്ത്യക്കായി ഗോള്‍ നേടിയത്. മത്സരം അവസാനിക്കാന്‍ ഒരു മിനിറ്റ് മാത്രം ബാക്കിനില്‍ക്കേ വാലീദ് അല്‍ മുസല്‍മിയാണ് ഒമാന്റെ ആശ്വാസ ഗോള്‍ നേടിയത്.
കിര്‍ഗിസ് റിപബ്ലിക്കിനൊപ്പം ഇന്ത്യ ഗ്രൂപ്പ് ‘ഇ’യുടെ തലപ്പത്തെത്തി. ബുധനാഴ്ച ഇതേ വേദിയില്‍ ആതിഥേയരായ യു.എ.ഇക്കെതിരെയാണ് ഇന്ത്യയുടെ അടുത്ത മത്സരം.
അതേസമയം ഇന്ത്യയിലെ ക്രിക്കറ്റ് പ്രേമികള്‍ക്ക് നിരാശ സമ്മാനിച്ച ദിവസമാണ് അണ്ടര്‍ 23 ഏഷ്യന്‍ കപ്പ് ഫുട്‌ബോള്‍ യോഗ്യതാ മത്സരത്തില്‍ ഒമാനെതിരെ അഭിമാന ജയം ഇന്ത്യ നേടിയിരിക്കുന്നത്.
