ആലപ്പുഴ: റെയിൽവേ സ്റ്റേഷനിൽ ലിഫ്റ്റ് പണിക്കെത്തിയവരുടെ പണവും മൊബൈൽ ഫോണുകളും
കവർന്ന വയോധികൻ അറസ്റ്റിൽ. രാമങ്കരി പുതുക്കരി ചിറയിൽ ഹൗസ് സണ്ണിയെയാണ് (63) ആലപ്പുഴ
റെയിൽവേ പോലീസ് പിടികൂടിയത്.വെള്ളിയാഴ്ച വൈകിട്ട് ആലപ്പുഴ റെയിൽവേ സ്റ്റേഷനിലാണ്
കേസിനാസ്പദമായ സംഭവം നടന്നത്.
ജോലിക്കാരായ പ്രിൻസ്, വിൽസൺ, സെബാസ്റ്റ്യൻ എന്നിവരുടെ മൊബൈൽ ഫോണുകളും പ്രിൻസിന്റെ 1700
രൂപയും റെക്കോഡുകൾ സൂക്ഷിച്ച ബാഗുമാണ് മോഷ്ടാവ് കവർന്നത്. മോഷണത്തിനു ശേഷം ട്രെയിൻ വഴി
രക്ഷപ്പെട്ട പ്രതിയെ സി.സി ടി.വിയുടെ സഹായത്തോടെ വർക്കല റെയിൽവേ സ്റ്റേഷനിൽ നിന്നാണ്
പിടികൂടിയത്.പ്രതിയെ കോടതിയിൽ ഹാജരാക്കി.