തമിഴ്നാട്: തമിഴ്നാട്ടിലെ വിരുദുനഗറില് ദലിത് യുവതിയെ ആറു മാസത്തോളം ലൈംഗികമായി പീഡിപ്പിച്ച കേസില് ഡി.എം.കെ യുവജനവിഭാഗം കേഡര്മാര് ഉള്പ്പെടെ 8 പേര് പിടിയിലായി. സ്വകാര്യ ദൃശ്യങ്ങള് പുറത്തുവിടുമെന്ന് ഭീഷണിപ്പെടുത്തിയാണ് മാസങ്ങളോളം 22കാരിയെ പീഡനത്തിനിരയാക്കിയത്.
യുവതി ഒരു വസ്ത്ര നിര്മാണശാലയില് ജോലി ചെയ്യുകയായിരുന്നു. അതിനിടയിൽ ഹരിഹരന് എന്ന യുവാവുമായി യുവതി അടുപ്പത്തിലായി. 2021 ആഗസ്ത് 20ന് ഹരിഹരന് യുവതിയെ ഒരു മെഡിക്കല് വെയര്ഹൗസിലേക്ക് കൂട്ടിക്കൊണ്ടു പോവുകയും അവിടെ വച്ച് ബലാത്സംഗം ചെയ്യുകയും ചെയ്തു. തുടർന്ന് ദൃശ്യങ്ങള് മൊബൈല് ഫോണില് പകര്ത്തിയ ശേഷം ഏഴ് സുഹൃത്തുക്കൾക്ക് വീഡിയോ കാണിക്കുകയും ചെയ്തു.
വീഡിയോ സോഷ്യല് മീഡിയയില് പ്രചരിപ്പിക്കുമെന്ന് പറഞ്ഞ് ഏഴ് പ്രതികളും യുവതിയെ പല തവണ പീഡനത്തിന് ഇരയാക്കുകയും ചെയ്തു. തുടര്ന്ന് യുവതി തനിക്കൊപ്പം ജോലി ചെയ്യുന്ന ഡ്രൈവറായ മാടസാമിയോട് വിവരം പറഞ്ഞു. എന്നാൽ യുവതിയുടെ ദൃശ്യങ്ങള് കൈക്കലാക്കിയ മാടസാമി അമ്മയെ കാണിക്കുമെന്ന് പറഞ്ഞു ഭീഷണിപ്പെടുത്തി വീണ്ടും പീഡിപ്പിക്കുകയായിരുന്നു.
