സീരിയല്‍ നടി രക്ഷ രാജ് വിവാഹിതയാവുന്നു. കോഴിക്കോട് സ്വദേശി അര്‍ക്കജ് ആണ് വരന്‍. നാളെയാണ് വിവാഹം. സേവ് ദി ഡേറ്റ് പങ്കുവച്ച്‌ താരം തന്നെയാണ് വിവാഹ വാര്‍ത്ത പങ്കുവച്ചത്. സോഷ്യല്‍ മീഡിയയില്‍ ശ്രദ്ധ നേടുകയാണ് സേവ് ദി ഡേറ്റ് വിഡിയോ.
കടല്‍ത്തീരത്തു നിന്നുള്ളതാണ് പ്രണയാര്‍ദ്രമായ വിഡിയോ ഇതിനോടകം ആരാധകരുടെ ഹൃദയം കവര്‍ന്നു. പേപ്പര്‍ പ്ലൈന്‍ വെഡ്ഡിങ് ആണ് സേവ് ദി ഡേറ്റ് പകര്‍ത്തിയത്. നിരവധി ആരാധകരാണ് താരത്തിന് ആശംസകള്‍ അറിയിച്ചിരിക്കുന്നത്. വിവാഹശേഷവും സീരിയലില്‍ തുടരണമെന്നും അവര്‍ ആവശ്യപ്പെടുന്നുണ്ട്.
സാന്ത്വനം പരമ്പരയിലൂടെ പ്രേക്ഷകരുടെ പ്രിയങ്കരിയായി മാറിയ താരമാണ് രക്ഷ രാജ്. സ്വന്തം പേരിനെ ക്കാളും അപ്പു എന്നാണ് നടിയെ പ്രേക്ഷകരുടെ ഇടയില്‍ അറിയപ്പെടുന്നത്. തുടക്കത്തില്‍ അല്‍പം നെഗറ്റീവ് ഷെയ്ഡുള്ള കഥാപാത്രമായിരുന്നു രക്ഷയുടേത്. എന്നാല്‍ ഇപ്പോള്‍ സ്വന്തനം കുടുംബത്തിലെ സൂപ്പര്‍ മരുമകളാണ്. നടിക്ക് കൈനിറയെ ആരാധകരുണ്ട്.
ദിവസങ്ങള്‍ക്ക് മുന്‍പ് അര്‍ക്കജിന്റെ മുഖം കാണിക്കാതെയുള്ള ഒരു റൊമാന്റിക് വീഡിയോ നടി സോഷ്യല്‍ മീഡിയയില്‍ പോസ്റ്റ് ചെയ്തിരുന്നു. ഏറെ നാളത്തെ പ്രണയത്തിന് ശേഷമാണ് ഇരുവരും വിവാഹിതരാവുന്നത്. കോഴിക്കേട് സ്വദേശിയായ അര്‍ക്ക്ജ് സോഫറ്റ് വെയര്‍ എഞ്ചിനിയറാണ്.
സാന്ത്വനത്തിലൂടെയായിരുന്നു രക്ഷ മിനിസ്‌ക്രീന്‍ എത്തിയത്. മുന്‍പ് നല്‍കിയ ഒരു അഭിമുഖത്തില്‍ പരമ്പരയിലേയ്ക്ക് എത്തിയതിനെ കുറിച്ച് പറഞ്ഞിരുന്നു. സംവിധായകനായ ആദിത്യനോട് നോ പറഞ്ഞതിന് ശേഷമാണ് സാന്ത്വനത്തില്‍ എത്തിയത്. അദ്ദേഹം ലൊക്കേഷനില്‍ ഇത് പറഞ്ഞ് കളിയാക്കാറുണ്ടെന്നും രക്ഷ രാജ് അഭിമുഖത്തില്‍ പറഞ്ഞിട്ടുണ്ടായിരുന്നു.
