വിനീത് ശ്രീനിവാസൻ_ നിവിൻ പോളി കൂട്ടുകെട്ടിൽ പിറന്ന ഹിറ്റ് ചിത്രമാണ് ‘തട്ടത്തിൻ മറയത്ത്’. മലയാള സിനിമ പ്രേക്ഷകരിൽ അത്രത്തോളം ഓളം ഉണ്ടാക്കിയ ഈ ചിത്രത്തിലെ ഗാനങ്ങൾക്ക് ഇന്നും ആരാധകർ ഏറെയാണ്. രണ്ട് വ്യത്യസ്ത മതങ്ങളിൽപ്പെട്ടവരുടെ പ്രണയം പ്രമേയമായി അവതരിപ്പിച്ച ‘തട്ടത്തിൻ മറയത്ത്’(Thattathin Marayath) ബോക്സ് ഓഫീസിലും പണംവാരിയ ചിത്രമാണ്(Cinema). കൂടാതെ നിവിൻ പോളി(Nivin Pauly) എന്ന നടന്റെ താരമൂല്യം ഉയർത്തുന്നതിലും ഈ ചിത്രം വലിയൊരു പങ്കുവഹിച്ചിട്ടുണ്ട്.
ചിത്രത്തിൽ ഉണ്ടായിരുന്ന ഓരോ അഭിനേതാക്കൾക്കും പ്രേക്ഷകർക്ക് ഇന്നും പ്രിയങ്കരരാണ്. ഇപ്പോഴിതാ ചിത്രത്തിൽ നിവിൻ പോളിയുടെ ചെറുപ്പകാലം അവതരിപ്പിച്ച കുട്ടിയുടെ പുതിയ ചിത്രങ്ങളും വീഡിയോകളുമാണ് ശ്രദ്ധ നേടുന്നത്. നിവിന്റെ കുട്ടിക്കാലം അവതരിപ്പിച്ച ആ ബാലതാരം മാസ്റ്റർ ജയസൂര്യയായിരുന്നു. ഉമ്മച്ചിക്കുട്ടികളുടെ മൊഞ്ചൊന്നും പൊയ്പോവൂല, പടച്ചോനെ എനിക്കിവിളെ കെട്ടിച്ചുതരണേ എന്ന തട്ടത്തിൻ മറയത്തിലെ മാസ്റ്റർ ജയസൂര്യയുടെ ഡയലോഗുകൾ ഇന്നും ഹിറ്റാണ്.
കലൂർ കത്രിക്കടവ് സ്വദേശിയാണ് ജയസൂര്യ(Jaya Surya). ലോകധർമിയിൽ നാടകം പഠിക്കുന്നതിനിടയിലാണ് തട്ടത്തിൻ മറയത്തിലേക്ക് ജയസൂര്യ എത്തിച്ചേരുന്നത്. ഒമ്പതുവർഷങ്ങൾക്കൊണ്ട് ഒറ്റക്കാഴ്ചയിൽ തിരിച്ചറിയാനാവാത്ത വിധം മാറിപ്പോയിരിക്കുന്നു ഈ ചെറുപ്പക്കാരൻ. നിലവിൽ ബാംഗ്ലൂർ ക്രൈസ്റ്റ് കോളേജിൽ പഠിക്കുകയാണ് ജയസൂര്യ. നാടകത്തിൽ ഏറെ താൽപ്പര്യമുള്ള ജയസൂര്യ തിയേറ്റർ പഠനത്തൊപ്പം ഇംഗ്ലീഷ് സൈക്കോളജിയും പഠിക്കുന്നുണ്ട്. ബൈസൈക്കിൾ തീവ്സ്, നേരം, പത്തേമാരി തുടങ്ങിയ സിനിമകളും പത്തിരുപതോളം പരസ്യങ്ങളിലും ജയസൂര്യ അഭിനയിച്ചിട്ടുണ്ട്.
youtube abonnenten kaufen