പാലോട്: വനിത ഓട്ടോ ഡ്രൈവറെ നടുറോഡിൽ അപമാനിച്ചയാൾ പോലീസ്. പാങ്ങോട് വട്ടക്കരിക്കകം
ആയിരവല്ലി ബ്ലോക്ക്‌ നമ്പർ 984-ൽ അനിലി(44)നെയാണ് പാലോട് പോലീസ് അറസ്റ്റ് ചെയ്തത്. എക്സ്
സർവിസ്മെൻ കോളനി ജങ്ഷനിലാണ് സംഭവം. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ പാങ്ങോട് പോലീസ് കേസെടുക്കുകയായിരുന്നു. സംഭവമറിഞ്ഞ് പ്രതി ഒളിവിൽ പോയതോടെ കേസ് പാലോട് പോലീസിന് കൈമാറുകയും തുടർന്ന് കഴിഞ്ഞദിവസം ഇയാളെ അറസ്റ്റ് ചെയ്യുകയുമായിരുന്നു.
എസ്.എച്ച്.ഒ പി. ഷാജിമോന്റെ നേതൃത്വത്തിൽ എസ്.ഐമാരായ എസ്. നിസാറുദ്ദീൻ, എ. റഹിം, എ.എസ്.ഐ അൽ അമാൻ, എസ്.സി.പി.ഒമാരായ അനീഷ്, ബിജു എന്നിവർ ചേർന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
