മലപ്പുറം: താനൂര്‍ ബോട്ടപകടമുണ്ടായ പൂരപ്പുഴയുടെ അഴിമുഖത്ത് ഇന്നും തിരച്ചില്‍ തുടരും. ബോട്ടില്‍ എത്ര പേർ ഉണ്ടായിരുന്നു എന്നതിനെപ്പറ്റി കൃത്യമായ എണ്ണം ലഭിച്ചിട്ടില്ല. ഈ സാഹചര്യത്തിലാണ് തിരച്ചില്‍ തുടരാന്‍ തീരുമാനിച്ചത്. കൂടാതെ ദേശീയ ദുരന്തനിവാരണ സേന ഉൾപ്പെടെ സ്ഥലത്ത് ക്യാംപ് ചെയ്യുന്നുണ്ട്.
അതേസമയം, ബോട്ടുടമ നാസറിനെ താനൂര്‍ പൊലീസ് ഇന്ന് കോടതിയില്‍ ഹാജരാക്കും. കൂടാതെ പൊലീസ് സംഘം അന്വേഷണത്തിന്റെ ഭാഗമായി ഇന്ന് ബോട്ട് വിശദമായി പരിശോധിച്ചേക്കും. മാത്രമല്ല ബോട്ടിലെ സ്രാങ്ക് ഉള്‍പ്പെടെയുള്ളവര്‍ക്കായും അന്വേഷണം ഇപ്പോഴും തുടരുകയാണ്.
