വിഷ്ണു ശശിശങ്കറിന്റെ സംവിധാനത്തില് ഉണ്ണി മുകുന്ദന് നായകനാവുന്ന പുതിയ സിനിമയുടെ ടൈറ്റില് പ്രഖ്യാപിച്ചു. മാളികപ്പുറം എന്നാണ് ചിത്രത്തിന്റെ പേര്. മമ്മൂട്ടിയാണ് സോഷ്യല് മീഡിയയിലൂടെ ചിത്രത്തിന്റെ ടൈറ്റില് പോസ്റ്റര് പുറത്തുവിട്ടത്. എരുമേലി ശ്രീധർമ ശാസ്താ ക്ഷേത്രത്തിൽ വച്ചായിരുന്നു ചിത്രത്തിന്റെ പൂജ ചടങ്ങുകള്.
സിനിമയുടെ ചിത്രീകരണം ആരംഭിച്ചതായി ഉണ്ണിമുകുന്ദൻ ഫെയ്സ്ബുക്കിലൂടെ അറിയിച്ചു. ”എന്റെ പുതിയ സിനിമ ഇന്ന് തുടങ്ങി. ‘മാളികപ്പുറം’ എന്നാണ് പേര്. #Malikappuram എന്റെ മല്ലുസിംഗിന്റെ പ്രൊഡ്യൂസറും ജേഷ്ഠ സഹോദരനുമായ ആന്റോ ചേട്ടന്റെ ഒരു വലിയ സ്വപ്നമാണ് ഈ സിനിമ, മാമാങ്കം സിനിമ പ്രൊഡ്യൂസ് ചെയ്ത വേണു ചേട്ടനും ഇതിന്റെ നിര്മാണ പങ്കാളി ആണ്. എനിക്ക് ഇതിന്റെ ഭാഗമാകാന് കഴിഞ്ഞത് അയ്യപ്പസ്വാമിയുടെ അനുഗ്രഹം കൊണ്ടാണ്. എന്നായിരുന്നു കുറിപ്പ് .
കാവ്യ ഫിലിം കമ്പനി, ആന് മെഗാ മീഡിയ എന്നീ ബാനറുകളില് പ്രിയ വേണു, നീത പിന്റോ എന്നിവരാണ് ചിത്രത്തിന്റെ നിര്മ്മാണം. സൈജു കുറുപ്പ്, ഇന്ദ്രന്സ്, മനോജ് കെ ജയന്, രമേശ് പിഷാരടി, സമ്പത്ത് റാം, ദേവനന്ദ, ശ്രീപദ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. അഭിലാഷ് പിള്ളയുടേതാണ് രചന.
സംവിധായകന് തന്നെ എഡിറ്റിംഗും നിര്വ്വഹിച്ചുന്ന ചിത്രത്തിന്റെ ഛായാഗ്രഹണം വിഷ്ണു നാരായണന് ആണ്. സംഗീതവും പശ്ചാത്തല സംഗീതവും രഞ്ജിന് രാജ്, പ്രൊഡക്ഷന് കണ്ട്രോളര് സഞ്ജയ് പടിയൂര്, വരികള് സന്തോഷ് വര്മ്മ, ബി കെ ഹരിനാരായണന്, കലാസംവിധാനം സുരേഷ് കൊല്ലം, മേക്കപ്പ് ജിത്ത് പയ്യന്നൂര്, വസ്ത്രാലങ്കാരം അനില് ചെമ്പൂര്, ആക്ഷന് കൊറിയോഗ്രഫി കനല് കണ്ണന്, ചീഫ് അസോസിയേറ്റ് ഡയറക്ടര് റെജിസ് ആന്റണി, ക്രിയേറ്റീവ് ഡയറക്ടര് ഷംസു സൈബ, സ്റ്റില്സ് രാഹുല് ഫോട്ടോഷൂട്ട്, പ്രൊമോഷന് കണ്സള്ട്ടന്റ് വിപിന് കുമാര്, പി ആര് ഒ മഞ്ജു ഗോപിനാഥ്, ഡിസൈന്സ് കോളിന്സ് ലിയോഫില്.